Франция футбол федерацияси коронавирус пандемияси сабабли бир қатор футбол мусобақалари тўхтатилишини эълон қилди.
1-декабрга қадар Франция кубоги, 3-дивизиондан қуйи лигалар ўртасидаги барча мусобақалар ва Франция аёллар чемпионатининг иккинчи дивизиони тўхтатилди. Миллий чемпионат учрашувлари томошабинларсиз ўтказилади.
29-октябрдан бошлаб Францияда Президент Эммануэл Макроннинг кўрсатмаси билан умумий изоляция режими жорий этилди.
Эслатиб ўтамиз, ўтган кун давомида мамлакатда коронавирус инфекциясининг 36 437 янги касаллиги қайд этилди.
