Мадриднинг «Реал» клуби бош мураббийи Зинедин Зидан жамоа ярим ҳимоячиси Эден Азар ҳақида фикр билдирди.
«Унда ҳаммаси жойида, бундан жуда хурсандмиз. Эден ҳар куни машғулотларда яхши иштирок этмоқда, у ўзини қулай ҳис қилмоқда. Жароҳат олганингизда, майдонга тушмаганингизда ва жамоадошларингиз билан бирга бўлмаганингизда жуда қийин бўлиши мумкин.
Ҳар бир футболчи майдонда бўлишни ва завқ олишни хоҳлайди. Ҳозир барчаси ижобий кўринмоқда, у қайтди, лекин жароҳат олиб сафдан чиққан бошқа футболчилар бор. Умид қиламанки, яқинда барчамиз бирга бўламиз.
Олдимизда кўплаб учрашувлар бор, ғоямиз Азарни майдонга қайтариш. Қандай рўй беришини кузатамиз, чунки у ўзини яхши ҳис қилиши муҳим. Асосийси – тайёр бўлиши керак, чунки бизни жуда кўплаб учрашувлар кутиб турибди», – деди Зидан.
