Англия чемпионати 7-турнинг марказий ўйини "Манчестер Юнайтед" ва "Арсенал" баҳси ниҳоясига етди. "Олд Траффорд"да кечган ўйинда "канонирлар" пенальтидан урилган гол эвазига 1:0 ҳисобида ғалаба қозонди.

Учрашув кутилганидан анча зерикарли ўтди. Биринчи бўлимда жамоалар деярли дарвоза томон аниқ зарба йўллашмади. 

Иккинчи бўлимни икки клуб ҳам сал фаолроқ бошлади. Учрашувнинг 69-дақиқасида Погба жарима майдони ичида Бельеринга нисбатан қоида бузди. Обамеянг 11 метрлик нуқтадан адашмади.

Ўтказиб юборилган голдан кейин "қизил ибилслар" ҳисобни тенглаштиришга қанча аракат қилмасин, учрашувда бошқа гол урилмади. 

Манчестер Юнайтед – Арсенал 0:1

Гол: 0:1 – 69, пенальти Обамеянг.

Манчестер Юнайтед – Де Хеа, Шоу, Уан-Биссака, Магуайр, Линделеф, Мактомини, Бруну Фернандеш (ван де Бек, 75), Погба, Фред (Матич, 62), Рэшфорд, Гринвуд (Кавани, 75).

Арсенал – Лено, Холдинг, Бельерин, Габриэл, Тирни, Сака, Парти, Эль-Ненни, Виллиан (Мэйтленд-Найлз, 86), Обамеянг (Мустафи, 87), Ляказетт (Нкетиа, 76).

Огоҳлантиришлар: Фред (22), Холдинг (25), Габриэл (27), Гринвуд (71), Обамеянг (87).