Испания матбуотининг ёзишига қараганда, Каталониянинг «Барселона» клуби раҳбарияти ёзги трансфер ойнасини кутиб ўтириш ниятида эмас. Каталонияликлар "Манчестер Сити" ҳимоячиси Эрик Гарсияни ортга қайтармоқчи. "Барселона" тарбияланувчиси саналган Гарсиянинг «шаҳарликлар» билан 2021 йилнинг ёзигача шартномаси мавжуд.
«Барселона» ҳимоядаги ҳолатидан хавотирда. Шу сабабли, клуб раҳбарияти қишки трансфер бозорида "Сити" ҳимоячисини ортга қайтариш учун 8 миллион евро таклиф қилмоқчи. Ҳозирча бу маълумотга «шаҳарликлар» муносабат билдирмади. Тахминларга кўра, жамоа бош мураббийи Хосеп Гвардиола ҳимоячини жамоада олиб қолишга кўндирмоқчи.
Гарсия «Манчестер Сити»нинг асосий ҳимоячиси саналмайди. У шу пайтгача таркибда қилинаётган ротацияларда фаол футболчи саналади. У жорий мавсум "шаҳарликлар" сафида атиги иккита учрашувда майдонга тушди.
