Пойтахтимиздаги “Универсал” спорт саройида бокс бўйича эркаклар ўртасида Ўзбекистон чемпионати ўз якунига етди. Қизиқарли ва муросасиз ўтган беллашувлар томошабинларнинг катта қизиқишига сабаб бўлди.
Кутилганидек, энг қизиқарли финал -60 кг вазн тоифасида Осиё ўйинлари финалчиси Шунқор Абдурасулов ва ўсмирлар Олимпиадаси ғолиби Абдумалик Халаков ўртасида кечди. Шиддатли курашларга бой ўтган жанг Халаковнинг ғалабаси билан якунланди. Шунингдек, ўз вазн тоифаларида Миразизбек Мирзахалилов (-57 кг), Бобоусмон Батуров (-69 кг), Дилшодбек Рўзметов (-81 кг) каби етакчилар ғалаба қозонишди. Алиёр Норалиев (-63 кг) жароҳати сабаб рингга кўтарилмаган бўлса, Токио-2020 лицензиати Санжар Турсунов (-91 кг) финалда имкониятни бой берди.
– 49 кг. Нодиржон Мирзаҳмедов – Иброҳим Ишжанов
– 52 кг. Мироншох Ибрагимов – Шаҳзод Музаффаров
– 57 кг. Миразизбек Мирзахалилов – Хуршидбек Расулжонов
– 60 кг. Шунқор Абдурасулов – Абдумалик Халаков
– 63 кг. Асадхўжа Мўйдинхўжаев – Алиёр Норалиев
– 69 кг. Бобоусмон Батуров – Жавлонбек Йўлдошев
– 75 кг. Саиджамшид Жафаров – Одилжон Аслонов
– 81 кг. Дилшодбек Рўзметов – Темурхон Собуров
– 91 кг. Санжар Турсунов – Мадиёр Саидраҳимов
+ 91 кг. Лазизбек Муллажонов – Жаҳонгир Зокиров
Шунингдек, чемпионатнинг энг яхши боксчисига аталган “Руфат Рисқиев” совринига Миразизбек Мирзахалилов (-57 кг) ва Турсуной Раҳимова (-51 кг) сазовор бўлишди.
