Каталониянинг «Барселона» клуби раҳбарияти пайшанба куни ўтказилган йиғилишда 2021 йилнинг 24 январь куни президентлик сайловларини ўтказишга қарор қилди.
Ҳозирча бу муддат тахминий дейилмоқда, чунки, «Барселона»га янги президент сайланишига коронавирус пандемияси ҳалақит қилиши мумкин, дея хабар бермоқда Marca нашри.
«Барселона» кейинги ҳафта ҳукумат билан сайлов процедураси баённомаси билан келишиб олади. Сайловчиларнинг оммавий йиғилишларига йўл қўймаслик мақсадида, сайловларни бир нечта жойларда ўтказиш варианти кўриб чиқилмоқда.
Айни пайтда клуб президенти лавозимига етти нафар номзод рўйхатга олинган. Булар – Хави Вилажоана, Виктор Фонт, Тони Фрейша, Жорди Фарре, Агусти Бенедито, Пере Риера ва Луис Фернандес Ала. Бироқ, рўйхат ҳали яна ўсиши мумкин.
