«Реал» ярим ҳимоячиси Тони Кроос мадридликлар жамоасининг ҳозирги ҳолати ва клуб бош мураббийи Зайниддин Зидан ҳақидаги фикрлари билан ўртоқлашди.

"Агар сен «Реал»да натижага эришмасанг ва кутилган нарсани бера олмасанг, саволлар пайдо бўлади. Шу сабабдан биз бу клубдамиз. Бу одатий ҳолат.

Зидан билан аввал ҳам шунга ўхшаш вазиятга тушганмиз, одатда биз омадсиз даврдан ўтиб  кета оламиз. Бир неча ҳафта олдин «Кадис» ва «Шахтёр»га қарши ўйинлардаги мағлубиятдан кейин Барселонага бордик ва ажойиб ўйин ўтказдик.

Биз бундан ўтиб оламиз, мураббий эса клубда нима бўлаётганини, нима учун натижа йўқлигини биладиган биринчи одам. Биз янада яхшироқ ҳаракат қилишимиз ва ўйинларни ютишга интилишимиз керак. Мураббий бунинг йўлини топади", — деди Тони Кроос.

«Реал» 10-турдан кейин Ла Лига 4-ўринни эгаллаб турибди, Чемпионлар Лигасининг 3 та туридан кейин эса 3-поғонадан жой олган.