Франция терма жамоаси бош мураббийи Дидье Дешам Португалия (1:0) устидан Миллатлар Лигасида қўлга киритилган ғалаба ҳақидаги фикрлари билан ўртоқлашди.
- Ҳақли равишда ғалаба қозондик. Биз жуда хурсандмиз, чунки мақсадимизга эришдик ва гуруҳда биринчи ўринни эгалладик. Футболчиларим билан фахрланаман. Бугун биз Франция — ҳамон буюк терма жамоа эканлигини исботладик. Бугунги рақибимизнинг кучидан келиб чиқиб айтадиган бўлсак, шубҳасиз бугунги баҳс бизнинг сўнгги пайтлардаги ўйинларимиз орасидаги энг яхшиси бўлди. Ўз кучини намойиш эта олган жамоам учун хурсандман, — деди Дешам УЕФА расмий сайтига.
