Сербия терма жамоаси бош мураббийи Лубиша Тумбакович Миллатлар Лигаси турнири доирасида Россия терма жамоаси (5:0) устидан қозонилган ғалаба ҳақида ўз фикрларини билдирди.

“Учрашув яхши ўтди. Биз озгина омадли эканлигимизни тан олишимиз керак. Йигитлар жуда ғайратли эдилар, ўзларининг қадр-қимматини исботлашга интилишди, ўзларидан талаб қилинган нарсаларга эътибор беришди.

Турнирнинг "В" дивизионида ўйнаш ҳуқуқини сақлаганимиз яхши, лекин Европа чемпионатига йўлланма учун плей-оффда ғолиб бўлиш учун ҳамма нарсани бераман. Бироқ, бу футбол. Келинг, янги имкониятни кутамиз.

Бизда ёш жамоа бор ва албатта, бунинг келажаги бор. Футболчилар учрашувга юқори мотивация ва амбиция билан киришдилар. Уларнинг кўплари Жаҳон чемпионати саралашига номзод бўлишади. Албатта, барчамиз ўз жойимизда қолишимиз ва эришилган тезликни сақлаб қолишимиз шарт», - деди Тумбакович.

«Россия нима учун бундай ўйин ўтказганини билмайман. Балки улар бизни жиддий қабул қилмагандир, улар ўзларига жуда ишонган эдилар », - дея қўшимча қилди Тумбакович.