"Челси" устози "Ньюкасл"га қарши ўйин олдидан футболчиларининг ҳолати ҳақида гапирди.
"ФИФА кунлари ҳамма қатори бизнинг ҳам зараримизга ишлади. Ҳатто бир ҳафта олдин ҳам таркибда йўқотишлар катта эди. Лекин бахтимизга, шогирдларим секин-аста яна сафга қайтишмоқда.
Пулишич жароҳатидан ҳали бери фориғ бўлганича йўқ. Унинг вазияти жиддий. Кўп эҳтимол, яна бир-икки турни ўтказиб юборишидан хавотирдамиз. Хаверц эса тўла соғайган, яқинда умумжамоа машғулотларига қўшилди. Силванинг эса ҳолати яхшимас. Ўзини тиклаб олиши учун бироз вақт кетади. Эртага уни таваккал қилмоқчи эмасман", - дейди Лэмпард.
Эслатиб ўтамиз, 21 ноябр куни "аристократлар" "Ньюкасл" меҳмони бўлишади.
