"Chelsi" ustozi "Nyukasl"ga qarshi o‘yin oldidan futbolchilarining holati haqida gapirdi.
"FIFA kunlari hamma qatori bizning ham zararimizga ishladi. Hatto bir hafta oldin ham tarkibda yo‘qotishlar katta edi. Lekin baxtimizga, shogirdlarim sekin-asta yana safga qaytishmoqda.
Pulishich jarohatidan hali beri forig‘ bo‘lganicha yo‘q. Uning vaziyati jiddiy. Ko‘p ehtimol, yana bir-ikki turni o‘tkazib yuborishidan xavotirdamiz. Xavers esa to‘la sog‘aygan, yaqinda umumjamoa mashg‘ulotlariga qo‘shildi. Silvaning esa holati yaxshimas. O‘zini tiklab olishi uchun biroz vaqt ketadi. Ertaga uni tavakkal qilmoqchi emasman", - deydi Lempard.
Eslatib o‘tamiz, 21 noyabr kuni "aristokratlar" "Nyukasl" mehmoni bo‘lishadi.
