Лондоннинг "Челси" клуби бош мураббийи Фрэнк Лэмпард ЕЧЛ доирасида Франциянинг "Ренн" клубига қарши бўлиб ўтадиган учрашув ҳақидаги фикрлари билан ўртоқлашди.
"Ғалабали сериямиздан хурсандман (кетма-кет бешта учрашувда ғалаба - таҳририят) ва айни пайтда мувозанатни сақлаб қолишимиз муҳим. Бундай ёқимли туйғуларни сақлаб қолишимиз керак, аммо ўйинга тайёргарлик яна-да муҳим. Кетма-кет олтинчи ғалабамизни ҳам қўлга киритган яхши бўларди, бироқ, биз ўз савиямизни тушириб юбормаслигимиз керак. "Ренн" - яхши жамоа. Биз бу темпни сақлаб қолишимиз керак", - деди Лэмпард УЕФА расмий сайтига.
