Мадриднинг "Реал" клуби бош мураббийи Зинедин Зидан Серхио Рамоссиз унинг жамоаси кучсизланиб бораётганини, аммо улар испаниялик ҳимоячисиз қандай ўйнашни ўрганишлари кераклигини айтди.
«Рамос биз учун қанчалик муҳимлигини биламиз, аммо Рамоссиз ўйинлардаги ёмон статистикани тузатишимиз керак. Биз ўйинларда қўлга киритган натижаларни Рамоссиз ҳам ўзгартиришга ҳаракат қиламиз.
Бизга қанчалик қийин бўлишини тушунамиз, аммо ҳар бир ўйинда уч очкони қўлга киритишни истаймиз.
Рамоснинг йўқлиги гол ўтказиб юбориш учун баҳона эмас. "Реал" ҳар қандай таркиб билан ўз дарвозани "қуруқ" сақлаши керак", - деди Зинедин Зидан.
Эслатиб ўтамиз, Рамос Испания терма жамоаси жойлашган жойда жароҳат олган эди.
