Англиянинг «Ливерпуль» клуби ярим ҳимоячиси Жорджиньо Вейналдум фаолиятини Каталониянинг «Барселона» клубида давом эттириши ниятида. Бу ҳақда TodoFichajes нашри хабар бермоқда.
Қайд этилишича, нидерландиялик футболчи ўзининг келажаги борасида шу йилнинг сентябрь ойида ойдинлик киритиб бўлган. Футболчининг "мерсисайдликлар" билан шартномаси 2021 йилнинг июнь ойида якунига етади. У катта эҳтимол билан «Барселона» таркибига январь ойида қўшилади.
Бугун «Ливерпуль» АПЛ доирасида «Брайтон» клуби меҳмони бўлади. Учрашув Тошкент вақти билан соат 17:30да бошланади.
