Ушбу рукнимиздаги энг сўнгги янгиликлар билан таништириб ўтишда давом этамиз.
Aленя кетади
Каталониянинг «Барселона» жамоаси ярим ҳимоячиси Карлос Aленя фаолиятини «Ла Лига»нинг бошқа жамоасида давом эттиришга жуда яқин турибди.
22 ёшли футболчи Роналд Куманнинг режаларидан ўрин эгалламагач, ўйин амалиётисиз қолиб кетмаслик учун «Реал Бетис» билан шартнома имзолаша қарор қилди.
AS нашрининг маълум қилишича, ҳатто футболчи Пеллегрини билан телефон орқали суҳбат қурган ва «Бетис»га ўтиш борасида фикр алмашган.
Исконинг бозори чаққон
Мадриднинг «Реал» жамоаси ярим ҳимоячиси Иско Aларкон фаолиятини бошқа жамоада давом эттириши тобора аниқлашиб бормоқда.
AS нашрининг маълум қилишича, эндиликда испаниялик ярим ҳимоячининг хизматлари билан «Севиля» ҳам жиддий қизиқиб қолган. Футболчининг агети ҳали-ҳамон мижозининг келажаги борасида маълумот берганича йўқ.
Эслатиб ўтамиз, аввалроқ ярим ҳимоячи билан «МЮ» ва «Сити» клублари қизиқиш билдирган эди.
Кубо кетадими?
Трансфер ҳуқуқи «Реал Мадрид»га тегишли бўлган Такефусо Кубо қишда ўз жамоасини ўзгартириши мумкин.
Aйни дамда «Вильяреал» шарафини ҳимоя қилаётган футболчи етарли ўйин амалиётига эга бўлмаяпти. Шу боис, «қироллик клуби» уни бошқа бир испан клубига ижара асосида юбориш ҳақида бош қотирмоқда.
Испан нашрларининг маълум қилишича, бу клуб катта эҳтимол билан «Бетис» бўлади.
Дибала трендда!
Туриннинг «Ювентус» жамоаси ҳужумчи Паоло Дибала фаолиятини бошқа чемпионатда давом эттириши мумкин.
“Taem Talk” нашрининг маълум қилишича, 27 ёшли футболчи билан «Манчестер Юнайтед» ва «Реал» жамоалари шартнома имзолаш илинжида.
Манбанинг маълум қилишича, Турин клуби футболчи истаган маошни беришга қодир эмас. Шу боис, Дибала янги шартнома имзолаш борасида шошилмаяпти.
У қайтади!
«Ювентус», «Бавария» ва “Aтлетико” сингари жамоаларда тўп сурган ҳужумчи – Марио Манжукич фаолиятини AПЛда давом эттириши мумкин.
Футболчининг агенти – Иван Четковичнинг маълум қилишича, мижози айни дамда ўзини жуда яхши ҳис этмоқда ва янги чақирувларни қабул қилишга тайёр.
Сўнгги маълумотларга қараганда, Манжукичнинг «Барселона» билан музокаралар олиб бораётгани ҳақида барча хабарлар миш-миш.
