Англия чемпионатининг 10-тур доирасида бўлиб ўтган "Вулверхемптон" ҳамда "Арсенал" (2:1) жамоалари ўртасидаги баҳсда "бўрилар" футболчиси Раул Хименес жиддий жароҳат олиб, стадионни тез тиббий ёрдам машинасида тарк этди. Ушбу воқеа ҳақида "Вулверхемптон" сардори Конор Коди ўз фикрини билдирди.
«Биз кийиниш хонасига киришимиз билан дарҳол шифокордан Раулнинг аҳволи қай даражада эканлигини сўрадик. Ҳаммамиз ҳужумчимиздан жуда хавотирда эдик. Ушбу ҳолат жамоадошимизнинг соғлиғи ҳақида ташвишлантирди. Тўқнашув шунчаки даҳшатли эди. Аммо биз унинг тезда тузалишига ишонамиз. Мен воқеадан бир метр нарироқда эдим. Буни эслашни хоҳлайман.
Ҳозир энг муҳими, иккала футболчи ҳам нормал ҳолатда. Раул билан бирга бўлган мутахассислар унга ёрдам беришига шубҳам йўқ. У аллақачон хушига келди, сунъий нафас етказиб берувчи ниқобдан воз кечиб, мулоқот қилишни бошлади", - деди Конор Коди.
