«Реал» раҳбарияти «Тоттенхэм» клуби собиқ бош мураббийи Маурисио Почеттино билан дастлабки музокараларни ўтказди. Бу ҳақда Sport.es хабар тарқатди.
Манбага кўра, "Қироллик клуби" вакиллари аргентиналик мутахассисга қўнғироқ қилиб, агар Зидан истеъфога чиқарилса, у жамоани бошқаришга тайёр ёки тайёр эмаслигини сўрашди.
Аввалроқ, агар "Реал" Европа чемпионлар лигаси плей-офф босқичи йўлланмасини қўлга кирита олмаса, Зидан истеъфога чиқарилиши ҳақида хабар тарқалган эди.
48 ёшли Почеттино 2014-2019 йилларда «Тоттенхэм»ни бошқариб, истеъфога чиққан эди. Шундан бери у ишсиз юрибди.