Каталониянинг «Барселона» клуби бош мураббийи Рональд Куман Ла Лига доирасида «Кадис» клубига қарши бўлиб ўтадиган учрашувдан олдин жамоадаги вазият ҳақида фикр билдирди.
«Кадис» жуда ҳам очкога муҳтож вазиятда турибди. Уларга қарши учрашув жуда қийин ўтади, ўз юқори савиядаги ўйинимизни кўрсатишимиз керак. Шунингдек, биз қимматли очколарни йўқотмаслигимиз керак.
Месси билан боғлиқ вазият бизга аён. Мессининг келажагига фақатгина унинг ўзигина таъсир кўрсата олиши мумкин. Менга клубдан ташқаридаги инсонларнинг суҳбатлари қизиқ эмас. Бундай суҳбатлар бизнинг барқарор ўйин намойиш этишимизга ҳалақит беради, холос.
Умтити ҳақида нима дейишим мумкин? У яқин кунларда сафга қайтади. У яқинда ёшлар жамоаси таркибида бир соатга яқин ўйнади ва ўзини ноқулай ҳис қилмади. Аниқ қачон майдонга қайтишини айта олмайман, лекин у рўйхатимиздан жой олади. Араухо ҳам майдонга тушишга тайёр», — деди Рональд Куман.
