Туриннинг «Ювентус» клуби собиқ бош мураббийи Массимилиано Аллегри Криштиану Роналду ҳақида фикр билдирди.
«Қўл остимда кўплаб кучли футболчилар тўп сурган. Масалан, ҳимоячилар Кьеллини ва Неста, ярим ҳимоячилар Гаттузо ва Зеедорф, ҳужумчилар Ибрагимович ҳамда Роналду.
Роналду – менталитет бўйича топ-футболчи. У бу борада бошқа футболчилардан ажралиб туради. У беш марта «Олтин тўпни» қўлга киритди, беш маротаба ЕЧЛда ғолиб чиқди, бир марта эса Португалия терма жамоаси билан Европа чемпиони бўлди. Бу қийин, лекин у жамоанинг ғалабаси учун ўз ҳиссасини қўшади. Ҳар йили унда янги мақсад пайдо бўлади», – деди Аллегри.