«Ювентус» бош мураббийи Андреа Пирло Турин дербиси олдидан ўз фикрлари билан ўртоқлашди.

«Биз осон ўйин қаршисидамасмиз. Рақибларимиз ақлли мураббийга эга ва актив футбол кўрсатиш тарафдори. Улар барча кузатганидек, гранд жамоаларга жиддий бошоғриқ бўлиб беришди ва охирги икки ўйинда ғалабага эришишган.

Муҳим баҳс олдидан Моратанинг сафдан чиққани хунук иш бўлди. Лекин шунга қарамай рақибни жарима майдонимизга яқинлаштирмасликка ҳаракат қиламиз. Белотти алоҳида эътибор марказимизда. Бизни эмоцияларга бой учрашув кутиб турибди», - дейди мураббий.

Эслатиб ўтамиз, «бианконерилар» ички чемпионатда мағлубиятсиз серияни қайд этишмоқда, лекин шунга қарамай, пешқадам «Милан» билан 6 очколик фарқ мавжуд.