Туриннинг «Ювентус» клуби бош мураббийи Андреа Пирло ЕЧЛ доирасида «Барселона» (3:0) клуби устидан қўлга киритилган ғалаба ҳақидаги фикрлари билан ўртоқлашди.
«Дам олиш куни "Турин дербиси"даги каби, бугун ҳам омадли ўйнашимиз керак эди. Қачонки ўйинни мана шундай муносабатда ўйнасанг, албатта натижа қўлга киритилади. Биз ўйинга янги кайфият билан ташриф буюрдик ва жамоанинг кўрсатган ўйинидан қониқдим.
Учрашувга тайёргарлик кўриш жараёнида майдон марказида "учтаси иккитасига қарши" каби эпизодлар бўлиши учун рақамли устунликни яратишга умид қилгандик. Биз улар ярим ҳимоячиларимизни марказда бошқаришда муаммоларга дуч келишлари мумкинлигини билардик. Биз белгиланган вазифани уддаладик ва яратилган вазиятдан унумли фойдаландик», – деди Пирло.
