Англиянинг "Манчестер Юнайтед" клуби қишки трансфер ойнаси олдидан яримҳимоячи Пол Погбага ҳайратланарли даражада паст нархни белгилади.
Погба ўз ниятини ўтган душанба куни агент Мино Райола орқали аниқ айтди, у Пол мавсум тугашини кутиб ўтирмасдан "Манчестер Юнайтед"дан кетмоқчи эканлигини айтган.
"Қизил иблислар" Погбанинг кетишига халақит бериш ниятида эмас ва фақатгина "Ювентус"дан 2016 йилда сотиб олинган 89 миллион фунтнинг катта қисмини қайтариб олишга ҳаракат қилишади.
Бироқ, Погба учун товон пули тўлаш - бу ҳали ярим иш. Ҳозирда 27 ёшли Франция терма жамоаси футболчиси ҳафтасига 290 минг фунт маоши олади.
The Sun нашрининг хабарига кўра, "Олд Траффорд" иқтисодий инқироз шароитида Погбани сотиб олиш "Реал" ёки "Ювентус" учун жуда қийин бўлишини тушунмоқда, шунинг учун "Манчестер Юнайтед" Погба учун товон пулини 50 миллион фунтга пасайтиришга тайёр.
