Италия футбол федерацияси (FIGC) икки ўйинга четлатилган "Ювентус" ҳужумчиси Альваро Моратанинг дисквалификацияси битта ўйинга камайтирилганини расман эълон қилди.
Эслатиб ўтамиз, ҳужумчи А Серия доирасида "Беневенто" (1:1) клубига қарши учрашувда майдондан четлатилганди. Ўшанда у учрашув якунланиб бораётган пайтда ҳакамнинг шаънига номақбул сўзларни айтгани учун қизил карточкага лойиқ кўрилиб, майдондан четлатилганди.
Бироқ, "кекса синьора" ушбу қарор борасида апелляция берди ва дисквалификация битта ўйинга камайтирилди.
Шунингдек, Мората 8 минг евро молиявий жарима тўладиган бўлди.
Шу тариқа, Мората 13 декабрь куни ҳамюртимиз Элдор Шомуродов тўп сурадиган "Женоа" клубига қарши бўлиб ўтадиган ўйинда майдонга тушиш ҳуқуқини қўлга киритди,
