Каталониянинг «Барселона» клуби президентлигига номзод Жоан Лапортанинг фикрича, жамоани келажакда Хави бошқаради.

«Хави аниқ «Барселона» бош мураббийига айланади. Бу вақт масаласи. У билан муносабатларимиз яхши, у каталония клубини бошқаришни жуда хоҳлаётганини аниқ биламан. Фаолиятини якунлаганидан сўнг, ўзини футболдан узоқлаштирадиган футболчилар бор, лекин Хави уларнинг таркибига кирмайди», - Лапортанинг сўзларидан иқтибос келтирмоқда Ara.cat сайти.

Эслатиб ўтамиз, Хави «Барселона» тарбияланувчиси саналади. У "Барселона" сафида 767 та учрашувда майдонга тушган ва 85 та гол киритган.