Лондоннинг«Челси» клуби бош мураббийи Фрэнк Лэмпард ЕЧЛнинг 1/8 финал босқичида рақиб бўладиган Мадриднинг «Атлетико» клуби ҳақида фикр билдирди.
«Ўйлайманки, кўпчилик «Атлетико»нинг кучли эканлигини айтади. Албатта, уларнинг айни пайтдаги спорт формасини ва еврокубоклардаги тажрибаси сабабли, кучли рақиб дейишлари мумкин. Лекин, ЕЧЛ қуръасидаги исталган рақиб оддий жамоа бўлмайди.
Биз ўзимизга ишонишимиз керак. ЕЧЛда ғолиб чиқиш учун бундай жамоаларни мағлуб этиш керак, тамом!
«Атлетико» Ла Лигада пешқадамлик қилмоқда, ўтган мавсумда улар «Ливерпул»ни ЕЧЛдан чиқариб юборишди, албатта, яхши жамоа. Аммо, «Атлетико» фақатгина қоғозда ноқулай рақиб, бу аниқ. Бироқ, биз ўз ишимизни бажаришимиз ва уларни мағлуб этишимизга ишонч ҳосил қилишимиз керак», – деди мураббий.
