Лондоннинг "Тоттенхем" устози Жозе Моуриньо "Ливерпул" бош мураббийи Юрген Клоппнинг хатти-ҳаракатлари юзасидан қилган шикоятларини изоҳлаб берди.
Эслатиб ўтамиз, "Энфилд"даги 2:1 ҳисобдаги мағлубиятдан сўнг, Моуриньо ўзини Клопп каби тутганида, албатта унга қизил карточка кўрсатишлари борасида шикоят қилган эди.
"Танаффусда биз ўз ўйинимизни яхшилаш учун бироз мослашиб олдик ва бунга эришдик. Тактик ўзгаришлар Жио Ло Чельсога тўпни яхшироқ ушлаб туриш ва қарши ҳужум учун кўпроқ жой топишда ёрдам бериш учун ишлаб чиқилган эди ва биз буни дарҳол амалга оширдик.
"Аммо унинг сариқ карточкаси ва Клоппни майдон четида ўзини тутиши орқали ҳакамларга ажойиб босим ўтказгандан сўнг, мен Жио иккинчи сариқ карточкасини олишидан хавотирландим.
"Жио айнан уларнинг заҳира ўриндиғи яқинида ўйнади ва бу ерда ўта хавфли зонада эди. Шунинг учун мен унинг иккинчи сариқ карточка олишидан қўрқдим ва уни алмаштиришга мажбур бўлдим", - Моуриньонинг сўзларидан иқтибос келтирмоқда Evening Standard.
