Римликлар футболчиси Генрих Мхитарян «Торино»га қарши баҳсдан сўнг ўз фикрлари билан ўртоқлашди.
«Гол урганимдан хурсандман. Лекин ўйин охирлари жуда шиддатли тус олганидан дастлаб ғалабани ушлаб қолишимизга ишонмагандим. Турин жамоалари билан баҳслар доимо мана шундай оғир кечган.
Бу - ғалати мавсум. Баъзида дуранг ўйнаяпмиз, баъзида кутилмаган мағлубиятлар ҳам учраб турибди. Мен амалдаги чемпионнинг бунча кўп очко йўқотишини кутмагандим. "Скудетто" учун курашда ўзаро ўйинлар энди муҳим аҳамият касб этади», - дейди футболчи.
Эслатиб ўтамиз, жорий мавсум Михитарян барча мусобақаларда 15 та учрашувда майдонга тушиб 8+7 натижани қайд этиб турибди.
