«Барселона» президентлигига номзодлардан бири Агусто Бенедито клубнинг айни дамдаги муваффақиятсиз даврларига барҳам бериш учун янгича типдаги стадион қуриш кераклигини маслаҳат берди.
Унга кўра ҳозирги «Камп Ноу» ўйингоҳи тўлиқ реконструкция қилиниб, умуман янгича дизайндаги стадион қурилиши керак. Унгача эса жамоа ўз уй ўйинларини "Олимпия" стадионида ўтказиб туради. Иккинчи вариантга кўра эса янги арена Каталонияда жойлашган Сан-Жоан Деспи шаҳрида қад кўтариши керак.
Эслатиб ўтамиз, «Камп Ноу» 1957 йилда фойдаланишга топширилган бўлиб, ҳозирда унинг ҳажми 99354 та кишига мўлжалланган.
