Лондоннинг "Арсенал" клуби бош мураббийи Микель Артета жамоа ҳужумчиси Габриэль Мартинелли ҳақида фикр билдирди.

"Биз унинг елкасига бундай юкни тушира олмаймиз. Бу унга нисбатан адолатли муносабат эмас. У майдонга тушганида мухлисларни хурсанд қилади, Чунки у ўзига хос, қандайдир кучга эга.

Лекин Мартинелла Премьер-Лигадаги кўрсаткичига қарамасдан, у бизнинг сафимизга қўшилганига ҳали кўп вақт бўлмади. Бу ерда у бошқа футболчилар каби ривожлансин.

"Сиз ҳозир ёш футболчига жуда катта маъсулият юкламоқчисиз. Улар жамоанинг бир қисми ва қўлидан келганча жамоага ёрдам бермоқда, лекин сизлар улардан бирданига катта нарсаларни талаб қиляпсизлар", — деди Артета The Independent билан суҳбатда.