Ушбу рукнимиздаги энг сўнгги янгиликлар билан таништиришда давом этамиз.
Алли «Ньюкасл»да?!
Лондоннинг «Тоттенҳем» жамоаси ярим ҳимоячиси Деле Алли фаолиятини бошқа клубда давом эттирмоқчи.
«The Sun» нашрининг маълум қилишича, футболчи Лондон клубида узоқ муддат қолмоқчи эмас. У ўйин амалиётга эга бўлишни ва Европа чемпионатида терма жамоа шарафини ҳимоя қилишни истамоқда.
Манбанинг маълум қилишича, футболчи билан «Ньюкасл» клуби жиддий қизиқиб қолган. Шу боис, футболчи қишда фаолиятини бошқа жамоада қайта ишга тушириш ниятида.
«Барселона» Неймардан воз кечдими?
Каталониянинг «Барселона» жамоаси прездентлиги учун кураш олиб бораётган Жоан Лапорта клубнинг трансфер сиёсати ҳақида фикр билдирди.
АS нашрининг маълум қилишича, клубнинг собиқ президенти агар сайловда ғолиб чиқмагунига қадар Неймарнинг трансфери борасида фикр билдирмоқчи эмас.
Манбанинг маълум қилишича, Лапорте шу йўсинда клубдаги ички муҳитни сақлаб қолмоқчи ва ўз тарафорлари сонини ошириб олмоқчи.
Эслатиб ўтамиз, айни дамда айнан Жоан Лапорте клуб тепасига келиши тахмин қилинмоқда. Ҳозирча, унинг сайлов компанияси бошқаларникидан анча илгарилаб кетган.
«Интер»дан ўзгача юриш
Миланнинг «Интер» жамоаси Кристиан Эриксондан қандай қилиб бўлсада қутилишга тайёр эканлигини расман эълон қилди.
«Football Italia» нашрининг маълум қилишича, миланликлар қишда даниялик футболчини «Наполи» ҳужумчиси Милик ёки «Арсенал»га кераксиз Гранит Жака билан алмаштириб юборишга тайёр.
Манбанинг маълум қилишича, клуб ПСЖ Эриксонга таклиф билан чиқса, унинг ўрнига Леандро Паредесни талаб қилмқочи.
Алаба учун кураш авжига чиқмоқда
Мюнҳеннинг «Бавария» жамоаси билан келишувга эриша олмаган Давид Алаба 10 кундан сўнг, истаган клуби билан шартнома имзолаш имкониятига эга.
Гап шундаки, шартномаси тугашига 6 ой қолган футболчилар, ёзда қайси клубга ўтишлари борасидаги қарорни ўзи қабул қилиши мумкин. Шу боис, Мюнҳен клубининг етакчи футболчиси билан турли гранд клублар алоқага чиқишда давом этишмоқда.
«Bild» нашрининг маълум қилишича, улар орасида «Манчестер Юнайтед» ва «Манчестер Сити» клублари мавжуд. Бу жамоалар текинга Алаба сингари ижрочини қўлга киритиш билан қизиқиб қолган. Футболчининг агенти Мюнҳен клубида йилига 12 миллион евролик маош талаб қилмоқда.
«Бавария» эса, пандемия чоғида Алабани энг катта маош олувчи футболчилардан бирига айлантирмоқчи эмас.
Эслатиб ўтамиз, футболчи билан аввалроқ «Барселона» ва «Реал Мадрид» клублари ҳам қизиқиб қолган эди.
«Реал» ўз етакчисини сотади!
Мадриднинг «Реал» жамоаси Иско Аларконни трансферга қўймоқчи эканлигидан хабарингиз бор. «Mundo Deportivo» нашрининг маълум қилишича, Мадрид клуби Исконинг трансферидан 60 миллион евро ишлаб олмоқчи.
Манбанинг маълум қилишича, Исконинг трансферини шахсан Микел Артета талаб қилмоқда. Мураббий айнан Иско Месут Ўзилнинг ўрнини эгаллашидан умид қилмоқда.
Эслатиб ўтамиз, аввалроқ инглиз нашрлари «Арсенал»нинг асосий трансфер нишони сифатида Уссама Ауарни кўрсатган эди.
