Англиянинг «Манчестер Юнайтед» клуби собиқ ҳужумчиси Энди Коул жамоанинг истиқболи ҳақида фикр билдирди.
«Сульшер қўл остидаги жамоа бу мавсумда АПЛда ғолиб чиқишга қодир деб ҳисобламайман. Айни пайтдаги турнир жадвалидаги пешқадамлик – шунинг ўзи яхши натижа деб ҳисоблайман. Сульшер танқидий фикрларга ажойиб тарзда жавоб қайтармоқда.
Чемпионатда ғолиб чиқиш учун янада яхшироқ ишлаш керак. Ўйлайманки, ҳозирда «манкунианликлар»да жорий мавсумда чемпион бўлиш учун имконият йўқ, лекин кейинги мавсумда барчаси ўзгаради», - Коулнинг сўзларидан иқтибос келтирмоқда talkSPORT.
Айни пайтда «Манчестер Юнайтед» 36 очко билан АПЛ турнир жадвалини бошқариб келмоқда.
