Лондоннинг «Челси» клуби Фрэнк Лэмпардни истеъфога чиқариш вариантларини кўриб чиқмоқда. «Кўклар» раҳбарияти жамоанинг қайд этаётган натижаларидан норози. «Челси» 19-турдан кейин 8-поғонани банд этиб турибди.
Англия матбуотининг тарқатган маълумотига қараганда, клуб раҳбарияти Лэмпардни ўрнига бошқа мураббий олиб келиш борасида якуний қарорга келишганга ўхшайди. Шу йилнинг ёзида «Челси» «Лестер» устози Брендан Рожерс билан шартнома имзолашга ҳаракат қилиб кўради.
Рожерс қўл остида «Лестер» айни пайтда турнир жадвалининг 3-поғонасида кетмоқда.
