Wales Online нашрининг тарқатган маълумотига қараганда, полиция "Манчестер Юнайтед" собиқ футболчиси, айни пайтда Уэльс терма жамоасини бошқараётган Райан Гиггз борасида тергов ишларини якунлади.

Жиноят иши прокуратурага юборилди, шундан сўнг улар мутахассиснинг ўзига айблов эълон қилиш судга ўтказиш тўғрисида қарор қабул қилишади.

Эслатиб ўтамиз, 31 октябрь куни Гиггз енгил жароҳат олган қиз-дўстига ҳужум қилганликдан айбланиб ҳисбга олинганди, лекин қизни шифохонага ётишига эҳтиёж сезилмаганди. Мураббий гаров эвазига озодликка чиққан, аммо Гиггз терма жамоада ишлашдан вақтинчалик четлатилган.