"Манчестер Сити" бош мураббийи Хосеп Гвардиола Фрэнк Лэмпарднинг "Челси"дан истеъфо олганлиги борасида изоҳ берди.
"Барча мураббийлар ғалаба қозониши керак. Одамлар қандайдир лойиҳалар ҳақида гапиришади, лекин улар мавжуд эмас. Сиз ғалабаларга эришишингиз керак, акс ҳолда сизни ишдан ҳайдашади. Шундай бўлиши керакми демак мен бу қарорни ҳурмат қиламан.
Тез орада Фрэнк билан учрашишга умид қиламан. Ўйлайманки, пандемия тугагандан сўнг, биз у билан ресторанга ташриф буюрамиз. Ҳар бир мураббийдан ўзи ишонган ишни амалга ошириши учун вақт талаб этилади" - дейди мутахассис.
Аввалроқ, Лэмпард ўрнини "ПСЖ"нинг собиқ бош мураббийи Томас Тухель эгаллаши ҳақида хабарлар тарқалган эди.
