«Манчестер Юнайтед» ҳимоячиси Маркос Рохо фаолиятини Аргентинада давом эттириши ҳақида хабарингиз бор.
Футболчи бир неча кундан бери ўз юртидан Англияга қайтиб келмаяпти. У «Бока Хуниорс» базасида машғулотлар ўташни бошлаб юборган.
31 ёшли ҳимоячининг «қизил иблислар» билан амалдаги шартномаси тугашига бир икки ой қолди холос. Шу сабабли энди клуб ундан фойда кўролмаслиги деярли аниқ бўлиб улгурди.
Рохо «Бока Хуниорс» сафига эркин агент сифатида қўшилади. Маълумот учун, у «МЮ» таркибида 2014 йилдан бери ўйнаб келмоқда.