Футболчига асосий даъвогар - «Реал Мадрид»
«Бавария» ҳимоячиси Давид Алаба, келаси ёзда клуб билан шартномаси тугаганидан кейин Мюнхенни тарк этмоқчи. «Челси» ва «Реал» клублари 28 ёшли австрияликни ўз сафига қўшиб олишга бел боғлаган эди. Аммо, "аристократлар" футболчининг молиявий талабларига жавоб бера олмаганлиги туфайли Алабадан воз кечишга қарор қилишди.
Аввалроқ, Алаба «Челси» дан йилига 22 миллион евролик маош сўраган эди. Лондон клуби эса коронавирус пандемияси сабабли, молиявий инқироз пайтида австриялик ҳимоячига бундай маошни тўлай олмайди. Шундай қилиб, Алабани эркин агент сифатида сотиб олиб, унга керакли пулни тўлашга тайёр бўлган клуб «Реал» бўлиб турибди.
Олдинроқ, «Бавария» бош мураббийи Ханс-Дитер Флик австриялик ҳимоячини таркибда сақлаб қолмоқчи эканлигини айтган.
Маълумот ўрнида, Давид Алаба жорий мавсум Германия чемпионатида 19 ўйин ўтказиб, 2 гол уиришга муваффақ бўлган.
