Европа чемпионлар лигасида нимчорак финал босқичи ўйинлари якунига етиб, чорак финалга чиққан 8та жамоанинг номи аниқ бўлди. Эртага, 19 март куни қуръа ташлаш маросими бўлиб ўтади. Унда мусобақанинг чорак ва ярим финалига қуръа ташланади.

Қачон ва қаерда?
Қуръа ташлаш маросими УЕФА қароргоҳи жойлашган Швейцариянинг Ньон шаҳрида бўлиб ўтади. Тадбир Тошкент вақти билан 16:00да бошланади.

Иштирокчи клублар

"Бавария" (Германия)
"Боруссия" Дортмунд (Германия)
"Ливерпуль" (Англия)
"Манчестер Сити" (Англия)
"Челси" (Англия)
"Реал" (Испания)
"Пари Сен-Жермен" (Франция)
"Порту" (Португалия)

Қуръа механизми
Қуръа "кўр-кўрона" тамойили асосида ўтказилади. Яъни ҳар қандай клуб ҳар қандай жамоа билан тўқнаш келиши мумкин. Жамоалар саватчаларга ажратилмайди. Ҳеч қандай чеклов йўқ. Қуръада номи биринчи чиққан жамоа 2-жамоа билан жуфтлик ҳосил қилади ва дастлабки ўйинни ўз уйидаги ўтказади.

Ярим финал қуръсида эса 1дан 4гача бўлган рақамлар тортилади ва жуфтликлар аниқ бўлди. Шунингдек, финалда номинал мезбон номини аниқлаш учун ҳам қуръа ташланади.

Мусобақа тақвими
Чемпионлар лигасининг чорак финал, ярим финал ва финал ўйинлари қуйидаги саналарга белгиланган:

Чорак финал
Дастлабки ўйинлар: 6/7 апрель
Жавоб ўйинлари: 13/14 апрель

Ярим финал
Дастлабки ўйинлар: 27/28 апрель
Жавоб ўйинлари: 4/5 май

Финал
29 май (Отатурк номидаги "Олимпия" стадиони, Истанбул)