Европа лигасида нимчорак финал босқичи ўйинлари якунланиб, чорак финалга чиққан жамоалар аниқ бўлди. УЕФА бугун мусобақанинг чорак финал ва ярим финал босқичига қуръа ташлаш маросимини ўтказади. Тадбир ҳақида муҳим маълумотлар билан таништириб ўтамиз.

Қачон ва қаерда?
Қуръа ташлаш маросими 19 март, жума куни УЕФА қароргоҳи жойлашган Швейцариянинг Ньон шаҳрида бўлиб ўтади. Тадбир Тошкент вақти билан 17:00да бошланади (эслатиб ўтамиз, соат 16:00да ЕЧЛ қуръаси бўлиб ўтади).

Иштирокчи клублар

"Арсенал" (Англия)
"Аякс" (Нидерландия)
"Вильяреал" (Испания)
"Гранада" (Испания)
"Динамо" Загреб (Хорватия)
"Манчестер Юнайтед" (Англия)
"Рома" (Италия)
"Славия" (Чехия)

Қуръа механизми
Қуръа "кўр-кўрона" тамойили асосида ўтказилади. Яъни ҳар қандай клуб ҳар қандай жамоа билан тўқнаш келиши мумкин. Жамоалар саватчаларга ажратилмайди. Ҳеч қандай чеклов йўқ. Қуръада номи биринчи чиққан жамоа 2-жамоа билан жуфтлик ҳосил қилади ва дастлабки ўйинни ўз уйидаги ўтказади.

Ярим финал қуръсида эса 1дан 4гача бўлган рақамлар тортилади ва жуфтликлар аниқ бўлди. Шунингдек, финалда номинал мезбон номини аниқлаш учун ҳам қуръа ташланади.

Мусобақа тақвими
Европа лигасининг чорак финал, ярим финал ва финал ўйинлари қуйидаги саналарга белгиланган:

Чорак финал
Дастлабки ўйинлар: 8 апрель
Жавоб ўйинлари: 15 апрель

Ярим финал
Дастлабки ўйинлар: 29 апрель
Жавоб ўйинлари: 6 май

Финал
26 май ("Арена Гданьск", Польша)