Айни дамда ФИФА кунлари давом этмоқда. Бугунги кунда қадар эса Суперлигада 3 тур ўйинлари бўлиб ўтди.

Хўш, дастлабки 3 турдан кейин хулосалар қандай бўлди?

«Локомотив» учун мавсум оғир бошланди. 3 турда 1 дуранг ва 2 мағлубият қайд этилди. Аммо статистикаларда «Локо»нинг устунлигини кўриш мумкин.

Масалан, АГМКга қарши баҳсда 56 фоиз, «Навбаҳор» билан ўйинда 54 фоиз, «Турон» рақиблик қилган учрашувда 66 фоиз вақт давомида жамоамиз тўпни ўзида ушлаб тура олган. Бу эса ўртача ҳар бир учрашувга 58 фоизни ташкил қилади дегани.

Шунингдек, зарба беришда ҳам натижалар ёмон эмас. Учала баҳсда жамоамиз жами 21 марта аниқ зарба йўллаган ва шуларнинг 11таси дарвозага аниқ борган.

Уч баҳсда «Локомотив» футболчилари 8 марта сариқ карточка олди. Рақибларда эса 7 сариқ ва 1 қизил карточка бор.

Шу ўринда эслатиб ўтамиз, «Локомотив» навбатдаги учрашувини 3 апрель куни ўз майдонида «Қизилқум»га қарши ўтказади. Баҳс «Локомотив» стадионида 16:15да старт олади.