«Реал» ҳимоячиси Серхио Рамос ўзининг янги жароҳати ҳақида маълумот берди. Испаниялик футболчи ушбу жароҳат сабабли «Барселона» ва «Ливерпуль»га қарши ўйинларни ўтказиб юборади.
«Кечаги машғулотда мен чап оёғимда оғриқ ҳис қилдим. Бугун эса тиббий кўрикдан ўтдим. Мушагим жароҳат олгани тасдиқланди.
Муҳим ўйинларда жамоага ёрдам бера олмаслигим мени ғазаблантиради. Шунингдек, сиз менга берадиган меҳрни мен майдон ташқарисида туриб қайтара олмайман.
Ўз фикримни очиқ айтишим керак. Кўп ишлашда ва чин қалбдан жамоага мухлислик қилишда давом этаман», – деди Рамос.
Рамос аввалроқ жорий мавсумда тиззасидан олган жароҳат туфайли 2 ой давомида майдондан ташқарида қолганди.