«Лестер» ҳужумчиси Келечи Ихеаначо Англия Премьер Лигасининг март ойидаги энг яхши ўйинчиси деб топилди.

Нигериялик футболчи март ойида Премьер Лигада учта ўйин ўтказиб, 5 та гол муаллифига айланди.

Мазкур соврин учун шунингдек, қуйидаги футболчилар кураш олиб борганди:

Андрес Кристенсен («Челси») — 3 учрашувда 3 та қуруқ ўйин;
Ҳарри Кейн («Тоттенҳэм») — 4 ўйинда 3 та гол ва 2 та ассист;
Жесси Лингард («Вест Ҳэм») — 2 баҳсда 2 гол ва 1 та ассист;
Риёд Маҳрез («Манчестер Сити») — 3 ўйинда 3 та гол;
Илан Мелье («Лидс») — 3 учрашувда 1 та қуруқ ўйин ва 16 та сейв;
Люк Шоу («Манчестер Юнайтед») — 3 учрашувда 1 та гол ва 3 та қуруқ ўйин;
Леандро Троссард («Брайтон») — 3 ўйинда 2 та гол ва 1 та голли узатма.

Эслатиб ўтамиз, январь ва февраль ойида «Манчестер Сити» ярим ҳимоячиси Илкай Гундўған энг яхши номига лойиқ кўрилганди.