Испания Ла Лигаси 29-турида Мадриднинг «Атлетико» клуби 4 апрель, якшанба куни «Севилья» майдонига сафар қилди.

Турнинг марказий учрашувида мезбон жамоа «Севилья»нинг қўли баланд келди. Беллашув тақдирини ҳал қилган ягона гол 70-дақиқада Маркос Акуня томонидан киритилди.

Андалусияликлар учрашувдаги ҳисобни 8-дақиқадаёқ очишлари мумкин эди. Аммо Окампос томонидан йўлланган пенальти зарбасини Ян Облак қайтаришга муваффақ бўлди.

Ушбу ғалабадан кейин очколари сони 58 тага етган «Севилья» мусобақа жадвалида 4-поғонада бормоқда. «Атлетико» (66) эса мағлубиятга қарамай ҳамон пешқадам бўлиб турибди. Аммо жамоада очко йўқотиш учун бошқа имконият қолмади. Акс ҳолда клуб пешқадамликни бой беради.

Испания Ла лигаси, 29-тур
4 апрель, якшанба
«Севилья» — «Атлетико» - 1:0
Гол: 1:0 – 70 Акуня.
«Севилья»: Буну, Кунде, Диего Карлос, Навас, Акуня, Жордан (Гудел, 87), Ракитич, Сусо (Гомес, 77), Фернандо, Окампос (Васкес, 87), де Йонг (Эн-Несири, 63).
«Атлетико»: Облак, Триппьер, Хименес, Эрмосо (Кондогбиа, 74), Фелипе, Сауль, Льоренте, Лемар (Эррера, 74), Коке, Лоди (Корреа, 34), Суарес.
Огоҳлантиришлар: Фелипе (5), Диего Карлос (10), Суарес (56), Акуня (56), Льоренте (79), Кондогбиа (86).