"Барселона" ҳужумчиси Лионель Мессининг кейинги мавсумда қайси клубда ўйнаши ҳозирча маълум эмас. Жоан Лапорта "Барса" президенти лавозимини эгаллаганига ҳам бир ой бўлди, аммо менежер янги шартнома имзолаш борасида ҳали Месси ва унинг атрофидагилар билан боғланмади.
Маrса Каталония шаҳри наширларига таянган ҳолда, "Барселона" раҳбарияти аргентиналик футболчига таклиф тайёрлаш ҳақида ишламоқда. Лекин, Лапорта Лео учун катта маош бериш ҳақида ўйламаяпти.
"Барса" президенти "Манчестер Сити" ва "ПСЖ" Мессини сотиб олиш ҳақидаги ғоясидан воз кечмаганлигини билади. Аввал хабар берганимиздек, инглиз клуби 33 ёшли футболчига "Барса"да қолишни истамаслигини айтса, Месси учун шартнома таклиф қилишга тайёр. Парижликлар ҳам Мессини таклиф қилиш вариантини рад этишмаяпти, аммо ҳозирда биринчи ўринда "ПСЖ" Килиан Мбаппе ва Неймар билан янги шартнома имзолаш ҳақида ўйламоқда.
Месси ҳозирги вазиятда хотиржамликни сақламоқда. У бор эътиборини келгуси ўйинларга қаратади ва "Барселона" билан чемпионат ва Испания кубогини ютишни истайди.
"Барса" ҳужумчиси ушбу мавсумда Ла Лиганинг 27 ўйинида 23 та гол урди ва 8 та голли пас берди.
