Кеча Испания Ла лигаси 30 туридан ўрин олган "Реал Мадрид" ва "Барселона" жамоалари ўртасидаги учрашувда (2:1), "қаймоқранглилар" футболчиси Лукас Васкес жароҳат олиб, майдонни эрта тарк этган эди. Бугун чиққан хабарларга кўра, испаниялик футболчининг жароҳати жиддий бўлиб чиқди. Манбада келтирилишича, Васкес катта эҳтимол билан Чемпионлар Лигаси чорак финал доирасидаги "Ливерпуль"га қарши учрашувни ўтказиб юборади. Мазкур баҳс 15-апрел куни Ливерпулдаги "Энфилд" стадионида ўтказилади. Дастлабки, Мадридда кечган учрашувда "Реал" рақибинига ҳеч қандай имконият қолдирмаган ва 3:1 ҳисобида ғалаба қозонишган эди.

Шунингдек, "Ливерпуль"га қарши жавоб баҳсини жамоа сардори ва етакчиси Серхио Рамос, Карвахал ва Варан ўтказиб юборади. Дани ва Серхиода жароҳат билан боғлиқ муаммо бўлса, Варан бир неча кун олдин коронавирус инфексиясини юқтириб олган эди.