Италия А Сериясининг 30-туридан ўрин олган баҳсда «Ювентус» ўзи майдонида «Женоа»ни қабул қилди. «Альянц» ўйингоҳида кечган баҳс, майдон эгаларининг 3:1 ҳисобидаги ғалабаси билан ниҳояланди.

Учрашувнинг дастлабки дақиқаларида мезбонлар тезкор гол уриб, ҳисобни очишди. Куадрадонинг узатмасини Кулусевски голга айлантирди. Кейинчалик, бўлиб ўртадарида Мората орадаги фарқни яна биттага оширди.

Иккинчи бўлимни эса меҳмонлар фаол бошлади. 49-дақиқада Скамакка бурчак зарбасини боши билан голга айлантирган ҳолда ҳисобни қисқартирди.

«Ювентус»нинг учинчи голи эса захирадан майдонга тушган Вестон Маккенни томонидан киритилди.

Шу тариқа, ушбу ғалабдан сўнг, Турин клуби очоколар сонини 62тага етказиб, учинчи ўринга жойлашди. Бугунгача 32 очко жамғарган «Женоа» эса ўн учинчи ўринда бормоқда.

«Ювентус» – «Женоа» 3:1 (2:0, 1:1) «Альянц Стэдиум»

Голлар: 1:0 – 4 Кулусевски, 2:0 – 22 Мората, 2:1 – 49 Скамакка, 3:1 – 70 Маккенни.

«Ювентус» – Шченсны, де Лигт, Данило, Кьеллини, Кулусевски (Маккенни, 68), Куадрадо (Алекс Сандро, 46), Рабьо (Рэмзи, 84), Бентанкур, Кьеза (Артур, 75), Роналду, Мората (Дибала, 68).

«Женоа» – Перин, Бираски (Гильоне, 46), Кришито, Масьелло, Дзаппакоста, Бехрами (Пьяца, 46), Радованович, Ровелла (Зайц, 63), Бадель, Скамакка (Мелегони, 70), Пандев (Шомуродов, 63).

Огоҳлантиришлар:
Куадрадо (20), Кулусевски (37), Бехрами (38), Ровелла (53), Кришито (62), Алекс Сандро (82).