Англия Премер лигасининг 31 тури доирасидаги энг марказий учрашув сифатида қаралаётган "Тоттенхэм" ва "Манчестер Юнайтед" ўртасидаги баҳс якунланди. Мазкур қарама-қаршиликда "қизил иблислар", Лондон жамоаси устидан 3:1 ҳисобида ғалаба қозонди. Гарчи, учрашувдаги ҳисобни "шпорлар" очган бўлса-да, Сульшер шогирдлари ирода кўрсатишди. Биринчи таймнинг 40-дақиқасида Сон Хин Мин Моуриньо шогирдларини ҳисобда олдинга олиб чиққан бўлса, иккинчи тайм ўрталарида, аниқроғи 57-дақиқага келиб, "манкунианлар" ҳисобни тенглаштиришга эришди. Гол муаллифи Фред. Иккинчи таймнинг ярмидан ўтганда эса Манчестер жамоаси Каванининг голи эвазига ҳисобда олдинга чиқиб олишди. Учрашув тугаши арафасида Мэйсон Гринвуд ҳисобни ишончли 3:1 кўринишга келтириб қўйди. Мазкур ҳисоб учрашув охиригача ўзгармади ва "Манчестер Юнайтед" 63 очко билан иккинчи ўринга мустаҳкам жойлашиб олди. "Тоттенхэм" эса 49 очки билан 7-поғонада қоладиган бўлди.

"Тоттенхэм" - "Манчестер Юнайтед" 1 - 3

Голлар: Сон (40), Фред (57), Кавани (79), Гринвуд (90+6)

"Тоттенхэм Хотспур" арена.

Тоттенхэм – Льорис, Родон, Регилон, Орье, Дайер, Хейбьерг, Ндомбеле, Лукас Моура, Ло Чельсо (Сиссоко, 61), Сон Хин Мин, Кейн.

Манчестер Юнайтед – Хендерсон, Линделеф, Уан-Биссака, Шоу, Магуайр, Погба, Бруну Фернандеш (Матич, 90), Фред, Мактомини, Кавани, Рэшфорд (Гринвуд, 71).

Огоҳлантириш: Мактомини (18), Кавани (41), Фред (48), Шоу (67), Магуайр (70), Сиссоко (90+2).