«Барселона» ва «Манчестер Сити»нинг собиқ футболчиси Яя Туре мураббий сифатида «кўк-анорранглилар» сафига қайтишни истаётгани ҳақида маълум қилди.

«Мураббийлик курсини тугатяпман. Мен учун «Барса» орзуимдаги жой. Билмадим, «Барса Б»« ёки академия бўладими, лекин «Барселона«»да ишлашни хоҳлайман. Ла Масияда ишлаган бўлардим - Каталонияда ҳали ҳам уйим бор.

«Барселона»да мени қаттиқ ҳурмат қилишар ва эъзозлашган. У ердан кетиш жуда қийин қарор бўлганди. У ерда мен учун керак бўлган барчаси - футбол, ҳаёт, об-ҳаво мавжуд. Энг яхши футболчилар ёнида тўп тепганман, Хави, Иньеста — шунинг учун ҳар доим яна «Барселона»да бўлишни истаб келаман», — деди Туре.

Ивуарлик «Барселона» сафида 2007-2010 йиллар давомида ҳаракат қилган. Ҳозирда Донецкнинг «Олимпик» клуби мураббийлар штабида ишлаб келмоқда.