Германия Бундеслигасининг 29-туридан ўрин олган бир қатор учрашувлар 17 апрель, шанба куни бўлиб ўтди.

«Бавария» «Вольфсбург» майдонига сафар қилди. Учрашувда умумий ҳисобда 5 та гол урилди. Мюнхен клуби сафида 18 ёшли Жамал Мусиала дублга эришди, шунингдек, Эрик Шупо-Мотинг ҳам ўз номини таблога ёздириб қўйди. Мезбонларнинг голларига эса Ваут Вегорст ва Максимилиан Филипп муаллифлик қилди.

«Бавария» ушбу ғалабадан кейин 68 очко билан мусобақа жадвалида 1-ўринда бормоқда, «Вольфсбург» эса 3-поғонадан жой олган.

«Боруссия М» ўз майдонида «Айнтрахт Ф»ни қабул қилиб, жавобсиз 4 та гол урди. Голларга Маттиас Гинтер, Йонас Ҳофманн, Рами Бенсебайни ва Ҳаннес Вольф муаллифлик қилди.

«Боруссия М» 7-ўриндан жой олган бўлса, «Айнтрахт Ф» 4-ўринда бормоқда.

Бундеслига, 29-тур баҳслари
17 апрель, шанба
«Вольфсбург» – «Бавария» 2:3
Голлар: 0:1 – 15 Мусиала, 0:2 – 24 Шупо-Мотинг, 1:2 – 35 Вегорст, 1:3 – 37 Мусиала, 2:3 – 54 Филипп.
«Вольфсбург»: Кастелс, Мбабу, Брукс, Лакруа, Пауло Отавио, Герхардт, Шлагер, Филипп (Бялек, 78), Жоао Виктор (Руссиён, 60), Баку (Брекало, 55), Вегорст.
«Бавария»: Нойер, Павар, Боатенг, Люка Эрнандес (Нянзу, 90), Дэвис, Алаба, Киммих, Мусиала (Коман, 73), Шупо-Мотинг, Мюллер, Сане (Хави Мартинес, 87).
Огоҳлантиришлар: Пауло Отавио (57), Люка Эрнандес (79), Мбабу (86).

«Боруссия М» — «Айнтрахт Ф» 4:0
Голлар: 1:0 – 10 Гинтер, 2:0 – 60 Ҳофманн, 3:0 – 67 Бенсебайни, 4:0 – 90 Вольф.

«Аугсбург» – «Арминия» 0:0.

«Фрайбург» – «Шальке-04» 4:0
Голлар: 1:0 – 7 Ҳелер, 2:0 – 22, пенальти Шаллаи, 3:0 – 50 Гюнтер, 4:0 – 74 Гюнтер.

«Унион Берлин» – «Штутгарт» 2:1
Голлар: 1:0 – 20 Премел, 2:0 – 43 Муса, 2:1 – 49 Ферстер.