"Челси" футболчиси Эмерсон ёзги трансферлар ойнасида "Интер" клубига ўтиши мумкин, дея хабар бермоқда "Todofichajes" нашри.
Шахсан Антонио Контенинг ўзи италиялик футболчини ўз таркибида кўришни хоҳлайди. У Лондон клуби мураббийи бўлган пайти ҳам қанот ҳимоячисини "Рома" сафидан "аристократлар" таркибига олиб келган эди.
Эмерсонга шунингдек, "Ювентус" клуби ҳам қизиқиш билдирмоқда. Футболчининг ўзи Турин клуби сафига ўтишга қизиқиб қолган.
Эслатиб ўтамиз, 26 ёшли футболчи ушбу мавсум АПЛнинг атиги 2 та ўйинида майдонга тушган.