«Ливерпуль» бош мураббийи Юрген Клопп Суперлига яратилиши ҳақида гапирди.

Мерсисайд клуби янги мусобақанинг 12 асосчисидан биридир.

«Менинг Суперлигага бўлган муносабатим ўзгармади. Бу ҳақида биринчи марта кеча эшитганман. Қийин ўйинга тайёрланииш вақтида биз бу ҳақида газеталардан кўп бўлмаган маълумот олдик.

Бу қийин. Одамлар бундан хурсанд эмаслар, мен буни тушунаман. Мен бу ҳақида кўп гапира олмайман, чунки мен ва футболчилар бу жараёнга алоқадор эмасмиз.

Яқингача ҳам биз, на мен ва на футболчилар бу ҳақида ҳеч нарса билмасдик. Келинг, бу ишлар қаерга олиб боришини кузатайлик», - деди Клопп.

Эслатиб ўтамиз, 2019 йилда ҳам Клопп Европа Суперлигаси ғоясига қарши чиққан эди.

«Умид қиламанки, Суперлига бўлмайди. Футбол Чемпионлар Лигаси ва Европа Лигаси кўринишидаги ажойиб мусобақаларга эга. Мен учун Чемпионлар Лигаси ҳар доим бир хил рақибларга қарши ўйнамайдиган Суперлигадир.

Нега биз «Ливерпуль» кетма-кет ўн йил давомида ҳар йили «Реал» билан ўйнайдиган тизимни яратишимиз керак? Ким буни кўришни хоҳлайди? " - деган эди ўшанда немис мутахассиси.